علة أمة
كتبهام / أكرم الإيراني ، في 15 مايو 2008 الساعة: 20:00 م
بمناسبة ذكرى النكبة الــ60 لبناء الكيان الصهيوني اليكم هذة الكلمات
دمار وحرب وخراب ونار وكل
وكل يوم يا عرب بنسمع عن دماء أطفال صغار
دمروا أرض الجوامع والكنايس
خربوا أرض العمار
قتلوا الصبايا وزادوا الضحايا
وقتحوا نارهم في كل دار
آهين وآه يا عرب ع العِزة وعلى ضعف الرجال
وآهين وآه يا وطن لما يهربوا الكبار
باعوا القضية وفي اللحظة دية
الصمت خيّم ع المكان
غابوا اللي كانوا مادّين ايديهم
هربوا اللي كانو را فعين شعار
شعار المهانة والإهانة
والاسم عار
ضاعت الحلم الجميل
سرقوا أرض المستحيل
واللي يفكر يقول بلادي
يتمحي ومن غير إنذار
إسرائيلي وأمريكاني ماشيين تشوفهم تقول دة جار
خربوا الطاهرة الشريفة
دنسوا أرض المحار
سايقين عوجهم ويقولوا مزاجهم
وما يعرفوا ان ما بينا تار
بصوا حبة للقضية
شوفوها بعين الإنسانية
وبطلوا الحجج اللي هية
ألف مليون اعتذار
فلسطين ..عراق.. سوريا..ولبنان
راحوا خلاص ضحية جبان
اسمه الخوف هوايته الفرار
خلاص تعبنا من الأفكار
وما بقاش خلاص في ايدنا اختيار
يا نكون ونبقى…. يا إما ننسى
إننا اتولدنا أحرار
تايهين خلاص وبقالنا كتير
متهددين بهبوب أعاصير
واقفين يا ناس زي المسامير
ومن امتى اتحرك مسمار؟!
أقاويل خطب مالهاش تفسير
ولا حد شاف منها تغيير
وخد بقى عندك من دة كتير
والاستسلام للظلم مرار
مرار بيسري في حلْق أمة
متشوقة لنور النهار
أمة شبعت لما من سراب الانتصار
بنسأل والسؤال محير
نلاقي فين الانتصار
رد النزيه بحماس بديع
صرخ وقال:
الانتصار ساكن قولبنا
وسايب آثار
وبخ التعبان بكلام
ردوا الديابة وقالوا تمام
قال النتصار منفي
وحواليه مليون جدار
والشاطر فيكم اللي يكتر في الأفكار
وتبقى فراسة لو حزرها بدون استفسار
مين معاك…..؟
ومين عليك…..؟
ومين اللي سايبك وسط النار…….؟
بقلم / محمود سعيد
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
مايو 15th, 2008 at 15 مايو 2008 9:48 م
الله على شبابك يامصر لما يتكلمو انتا شاعر جميل بجد ونريد منك المزيد والمزيد
مايو 18th, 2008 at 18 مايو 2008 3:29 م
الــــــى الحكومات والمنظمات الدولية لحقوق الانسان
أنقـــــــــــــــذوا مواطنيكــــــم ألأسرى عند الكفيــــل بالسعوديــــــــة
وأنقــــذوا المواطنييــــــــــن المنسييــــــن بالسجــــــون السعــــــودية
والذيــــن أكثرهم بـــدون معاملات وبـــدون قضايـا وبدون أحكام قضائية بحقهم
وبعضهم مـــــــن أنهى محكوميته وباق بالسجن تحت عبارة جهل سعودية
!!!!اسمها / مطوف يعنى أنهى محكوميته ومازال باقيا بالسجن
أللهـــــم انــــى بلغـــــــت فأشهــــــــد
http://gamal51.blogspot.com